kawwira.online
"بس بالعقل" مجموعة ألعاب كورة اجتماعية بنلعبها مع الأصحاب — من غير حسابات، من غير تحميل تطبيق، من غير باسوردات. تفتح اللينك على موبايلك، تعمل ماتش، تبعت الكود لصحابك، ويلا نبدأ.
كل الألعاب مبنية حوالين حاجة واحدة: إن كلنا كويرة، وبنحب نتحدى بعض في معلومات الكورة والذاكرة وسرعة البديهة، من غير تعقيد.
أي قعدة أصحاب فيها كورة، غالبًا بتتحول لنقاش "مين أحسن" و"مين لعب فين" و"إمتى ده حصل" — بس مفيش طريقة منظمة تحول الكلام ده للعبة حقيقية. "بس بالعقل" جت عشان تاخد نفس الطاقة دي وتحولها لماتشات صغيرة تقدر تلعبها في أي وقت، من غير أي تحضير.
الموقع مجاني بالكامل ومحتاج بس اتصال بالإنترنت. بنغطي التكاليف من خلال إعلانات بسيطة، ومش محتاجين منك ولا جنيه ولا أي بيانات شخصية عشان تلعب.
لو عندك فكرة للعبة جديدة، أو لاقيت حاجة غلط في أسئلة، أو عايز تقولنا رأيك، تقدر تتواصل معانا من صفحة تواصل معنا. وممكن كمان تطلع على سياسة الخصوصية لو عايز تعرف إيه اللي بنجمعه من بيانات.